ياستى ارحمينى عاوز أذاكر

الله أكبر الله أكبر.... أذان الظهر..

الجده - يارب.. يارب بحق ده الآذان تنجح يا نون يابن ابنى وأشوفك دكتور أد الدنيا

الحفيد - ياستى بس أنا فى تجارة

الجده - وماله يابنى هو يكتر على ربنا...... ده ربنا قادر على كل شئ

الحفيد - ياستى ونعم بالله بس اللى بيطلع دكتور لازم يكون فى كلية الطب مش التجارة

الجده - ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا

الحفيد - ياستى التجارة اللى فى الوكالة حاجة واللى فى الكلية حاجة تانية

الجده - ع العموم شد حيلك أنته وانا أخلى جدك يخدك معاه الوكاله عشان تتدردح وتتودك فى السوق

الحفيد - جدى إيه اللى هايخدنى معاه .....ده جدى مات من زمان ياستى

الجده - يامصيبتى عبد الواحد مات..ياحبيبى ياأخويا..مكنش يومك ياسبعى

الحفيد - ياستى ده ميت من تلتين سنة

الجده - تلتين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت سيرته..ده كان بخل الدنيا فيه..أن ما عمره دخل عليه ببطيخة ولاكيس جوافة

الحفيد - ياستى حرااام عليكى عايز أذاكر بقى

الجده - يووه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون

الحفيد - ياستى دبلون إيه..أسمه البكالوريوس

الجده - أنته عتضحك عليه ياوله..أسمه الدبلون الواد ابن فايزة جدع زيك كده فى مدرسة التجارة وخد الدبلون

الحفيد - خلاص دبلوم دبلوم ياستى ..سيبينى بقى عشان أذاكر

الجده - ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دي إيه ياواد.. أدب وأخلاق..وعلام كمان

الحفيد - ياستى عبير دى معاها أعدادية

الجده - وماله يابنى ...الراجل مايعبهوش إلا جيبه

الحفيد - راجل !!!...راجل مين ياستى...عبير دى بنت

الجده - عبير ...عبير مين ياوله..أنته بتعرف بنات من ورانا

الحفيد - لا إله إلا الله....أبوس رجلك ياستى أرحمينى بقه

الجده - طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البوصة تبقى عروسة..بس واللى نبى النبى نبى لكون مبوظه الخطوبة دى ومجوزاه أنيسة بت أختى

الحفيد - ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات

الجده - صحيح ياوله ..أنته عندك حق أنا مليش إخوات بنات..أصلى أناأمى ماكنتش بتخلف صبيان

الحفيد - حراااااااااااااااااااااااااااااااااام ............ستى ماتطلعى البلكونة شويه ...ده الهوا حلو بره

الجده - لأياخويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى

الحفيد - خلاص روحى المطبخ ...أهو زمان أمى خلصت الرز

الجده - رز...رز إيه يابنى....هوأنا ليه سنان للرز...أناهطلع البلكونه أحسن

الحفيد - طب أبقى خلى بالك م الهوى ياستى

الجده - هوى لما يلطشك

الحفيد - الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس لكن للأسف المراقب سحب مني الورقة قبل ما أكتب أهم حاجة فيها

اسمى ورقم جلوسى

موضوع: رد الأربعاء أبريل 08, 2009 1:53 pm

ههههههههههههههههههههههههههههههههههههههههههههههههههههههههههههههههههههههه
ايه ده كلو يا فيتا
wewd

اقتباس :: ههههههههههههههههههههههههههههههههههههههههههههههههههههههههههههههههههههههه
ايه ده كلو يا فيتا

شكرا يانور ع المرور

هههههههههههههههههههههههههههههههههههههههههههههههههههههههههههههههههههههههههههه

حلوة مووووووووووووووت يافيتا

شكرا jmhj

هههههههههههههههههههههههههههههههههه
جميلة يا فيتا

هههههههههههههههههههههههههههههههههههههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
تحفـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــة
جميـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــلة
مشكورة يا فيتا
ههههههههههههههههههههههههههههههههههههههههههههههههههههههههههههههههههههههههههههه