عدد الرسائل : 589 العمر : 35 البلد : مصر أم الدنيا العمل/الترفيه : بيطرية نقاط : 279 تاريخ التسجيل : 21/06/2008
موضوع: كدة كدة حتسقط..! السبت يونيو 28, 2008 6:11 pm
ده أحلى يوم في حياتي..يوم الامتحان..عارفين ليه؟؟ عشان ده اليوم اللي بفرغ فيه الإجابة في الورقة بعد ما قعدت أحشي المعلومات في دماغي طول أيام المذاكرة الخنقة ده.. لبست هدومي..وقبل أن أخرج من باب البيت..نظرت إلى الكتاب..وقولتله: وربنا..وربنا ما حذاكرك تاني..
ثم ذهبت إلى اللجنة مسرعاً وأنا سعيدة إني خلاص حفضي دماغي من مادة كاملة- طبعاً ده إن نجحت فيها إن شاء
الله-وصلت إلى مكاني في اللجنة..وبعد أن جلست وزعوا علينا ورقة الإجابة..وطبعاً زي كل الشعب..سطرت الورقة وجهزتها للفرم اللي حيحصلها..وفجأة!!!!!! وزعوا علينا ورقة الأسئلة..نظرت إلى الامتحان وأنا لا أصدق نفسي ..يا حومتي!!!..إيه ده يافيتا
معقول .. هو ده امتحان؟؟ .. مش ممكن!! .. ده امتحان محصلش
لقيت الورقة..عجيبة..غريبة..كالآتي:- ------------ --------- --------- --------- --------- --------- --------- --------- --------- --------- - الاسم:اكتب اسم الحاجة أمك :........... .. رقم موبيلك:........... .... الإيميل:........... ......... السيبر المفضل:........... ... السؤال الأول:اختار من بين الأقواس الكلام الصح: 1- حنان ترك اتحجبت يعني............ (لبست جزمة - لبست ساعة - لبست ايشرب) 2- اللي بنى هرم خوفو............ ..(طلعت مصطفى - المقاولون العرب - مقاول عادي - خوفو) 3- اللي بنى..بنى مصر كان في الأصل......(حلاق - نجار - تاجر مخدرات - السيد - حلواني) 4- البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه برنامج..صباح الخير ............ (يا ماما - يا بابا - يا خالو - يا ريس - يا مصر) 5 - مصر هى أمي نيلها جوا...........(بطني - رجلي - جيبي - دمي) 6- رئيس مصر القادم السيد......(جمال مبارك - جمال مبارك - جمال مبارك - كل ما سبق)
السؤال الثاني:أكمل الجمل الآتية بكلام م الآخر: 1- انتبه من فضلك السيارة ترجع إلى............ ......... ... 2- ماما زمنها............ ....... 3- من خلال تجاربك السابقة...البامبرز استيك منه............ . 4- طلعت أدّب نزلت أدّب لقيت الدب بيأزز............ 5- اسم والد اللاعب وائل جمعة الحاج............ ..
السؤال الثالث:ضع علامة NIKE أو علامة غلط أمام الكلام الجاي: 1- بابا فين؟؟ ..بابا هنا..قوله مين؟؟ قوله عمو ( ) 2- الشرطة دائما في خدمة الشعب ( ) 3- اللي بيته من سيراميك ميحدفش الناس بالبلاط ( ) 4- شاي الجوهرة حتة سكرة ( ) 5- يحكم مصر النظام الملكي ( ) "ملحوظة:لو معرفتيش سؤال ابقى طلعي المنفستو اللي معاكي يا فيتا..غشي براحتك..كده كده حتسقطي يا فيتا عشان تحرمي تقولي لكتاب المادة بتاعتي كده..ماشي يا فيتا !!!! "؟
------------ --------- --------- --------- --------- --------- --------- --------- --------- --------- - قريت الورقة وأنا في اسبهلال تام..فركت عيني مرة وأتنين..والورقة زي ما هيا..قريت الملحوظة اللي في آخر الورقة
تاني.. وتالت ..وأنا مش مصدقة
-فيتااااااا..أنت يا ست فييييييتااااااااااا قومي بقى..عشان تروحي الامتحان
-صحيت من نومي..ثم نظرت حولي..إيه ده أنا لسه في البيت مرحتش اللجنة..الحمد لله كنت بحلم..ووجدت الكتاب
جنبي ع السرير..فأخذته في حضني وقولتله...يا لهوي يا كتاب..بحبك يا كتاب.. بموت فيك يا كتاب.. بعشقك يا كتاب ..
مقدرش أعيش من غيرك يا كتاب ..هو أنا ليا بركة ألا انت يا كتاب.
....................................
بس كدة!
__________________
Koky مشرفة قسم الاسرة والمجتمع
عدد الرسائل : 616 العمر : 30 نقاط : 503 تاريخ التسجيل : 22/06/2008
السبت يونيو 28, 2008 6:11 pm
..يا حومتي!!!..إيه ده يافيتا
