www.Vettawy.mam9.com
 
الرئيسيةالبوابةمكتبة الصورس .و .جبحـثالتسجيلدخول

شاطر | 
 

 يا خالد قوم من قبرك

اذهب الى الأسفل 
كاتب الموضوعرسالة
MorGan
مدير المنتدي
مدير المنتدي
avatar

ذكر
الاسد عدد الرسائل : 1111
العمر : 29
المزاج : هفكر
نقاط : 1334
تاريخ التسجيل : 26/01/2009

مُساهمةموضوع: يا خالد قوم من قبرك    السبت يوليو 10, 2010 9:19 pm







يا خالد قوم من قبرك

وقول مين موتك ومين ضربك

وقول مين عذبك ومين قهرك

قول مين ذالك ومين سحلك

بيقولوا الداخلية بريئة من دمك

هو أنت تطلع مين بسلامتك

كل يوم فيه كتير زايك

ويمكن أكتر بكتير منك

ماهو ده أهم فوائد الأمن والنظام

إنها تحرق قلبنا وقلبك

إنها تقهرك فى قعر بطنك

إنها تعرفك قيمتك

إنها تقصف عمرك

إنها تكسر عضمك

إنها تحزن أهلك

يا خالد اطلع من قبرك

والله حتى لو طلعت

والله لو بعد الموت نطقت

ما حد هيسمعلك

هو أنت لما كنت بتموت

كان مين رحمك

كان مين سمعك

يا خالد قوم من قبرك

يمكن نقوموا بعدك

يمكن نقوموا بعدك

مش أنت لوحدك اللى مت

دا إحنا كلنا ميتين من قبلك

يمكن نقدروا نأخدوا حقنا وحقك

كل الناس اللى شاهدوا

محدش سمعهم طظ فى كلامهم

هما ما بيسمعوش غير نفسهم

التقارير كلها جاهزة عندهم

بيقولوا إنك مسجل خطر من زمان

وعليك قواضى وعليك أحكام

ومشكوك فى شرفك

وبعت بلدك وغيرت دينك وغيرت اسمك

وقالوا كلام بعيد عنك

وكأنهم عايزين مكافأة قتلك

وكويس إنهم ريحوا البشرية منك

ربنا يرحمك يا خالد وربنا لوحده

اللى يقدر يأخد حقك

تقرير الطب الشرعى أول وتانى

بيقول إن البانجو عملك احتباس حرارى

آه يا نارى


هما يعنى هيغلبوا ما هما اتعودا

وكل الجرايد الحكومية بتقول إنك مفترى

وحتى وأنت ميت على الناس بتفترى

وأنت اللى خنقت نفسك بنفسك

وأنت اللى كسرت ضلوعك وكسرت الجمجمة


ومحدش فيهم جه ناحيتك ولا لمسك ولا قالك مرحبا


أنت اللى طحنت نفسك بنفسك ودخلت المفرمة

وظلمت المخبرين علشان مهما ناس طيبة

والواحد فيهم إيديه مطرحتين ناس متفصلة

أنا عارف أن القضية مش قضية مخبرين

القضية قضية شعب كاتم

وساكت وشايل الطين

وميعرفش حقه فين

مكسور الجناح ومطاطى الجبين

معندوش إرادة طيب هو هيجيب الإرادة منين

وصورة خالد قدامه عينية عينة

القضية قضية دولة عدوها الأول هو شعبها

ودايما شيفاه حمل تقيل على قلبها

وعايزة تخلص منه ومش عارفه توديه فين؟

ربنا يقدرها وكتر ألف خيرها

وفعلا الداخلية شايفه شغلها

والشعب هو همها ولا حد تانى يهمها

وكلنا متهمين وشوفوا خالد راح فين

من غير أى ذنب واسألوا رجال الأمن

هيطلع أحنا اللى علينا الحق

وأحنا اللى نستاهلوا الموت والتعذيب

أحنا اللى نستاهلوا الحرق

أحنا اللى مخلوقين علشان راحكتم

ربنا ينتقم منكم

بس لازم تعرفوا

أن الدنيا مش دايما لحد

الدنيا مش دايما لحد.

منقول
يلا يا ولاد مصر يلا يا رجالة مصر ... مش جه وقت التغير ولا هنفضل ساكتين

_________________
[img][/img]



ليـــس من يتكلم عن الحب ... كمن يتألم من الحب..


وليس من يقرأ رسائل الحب ... كمن يكتبها بدم القلب..


عدل سابقا من قبل MorGan في الإثنين يوليو 19, 2010 9:28 pm عدل 1 مرات
الرجوع الى أعلى الصفحة اذهب الى الأسفل
فجر الاسلام
فيتاوي جديد
فيتاوي جديد


ذكر
الاسد عدد الرسائل : 36
العمر : 36
نقاط : 37
تاريخ التسجيل : 29/11/2009

مُساهمةموضوع: رد: يا خالد قوم من قبرك    الجمعة يوليو 16, 2010 12:56 am

هئ هئ

مش حلوة
الرجوع الى أعلى الصفحة اذهب الى الأسفل
MorGan
مدير المنتدي
مدير المنتدي
avatar

ذكر
الاسد عدد الرسائل : 1111
العمر : 29
المزاج : هفكر
نقاط : 1334
تاريخ التسجيل : 26/01/2009

مُساهمةموضوع: رد: يا خالد قوم من قبرك    الإثنين يوليو 19, 2010 9:29 pm


_________________
[img][/img]



ليـــس من يتكلم عن الحب ... كمن يتألم من الحب..


وليس من يقرأ رسائل الحب ... كمن يكتبها بدم القلب..
الرجوع الى أعلى الصفحة اذهب الى الأسفل
 
يا خالد قوم من قبرك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: القسم العام :: المنتدي العام-
انتقل الى: