... صوره ...

موضوع: ... صوره ... الخميس يوليو 23, 2009 3:27 pm

[size=12]صوره صوره صوره

كلنا كده عايزين صوره

صوره صوره صوره

تحت الرايه المنصوره

صوره للشعب الفرحان تحت الرايه المنصوره

يازمان صورنا صورنا يازمان

حنقرب من بعض كمان

واللي حيبعد م الميدان

عمره ماحيبان في الصوره

خضره وميه وشمس عفيه

وقبة سما زرقا مصفيه

ونسايم سلم وحريه

معالم فن ومدنيه

ومداين صاحيه الفجريه

علي اشرف ندهه وادان

دي بلدنا

دي بلدنا مصر العربيه

صوره منورها الايمان

علي مدد الشوف

مدنه ومدنه

دي لصلاتنا ودي لجهادنا

مدخنه قايده قلوب حسادنا

تحتها صلب كأنه عنادنا

وقدامه من اغلي ولادنا

عامل ومهندس عرقان

شبان والشبان في بلدنا

في الصوره في اهم مكان

صور يازمان صور يازمان صور يازمان

كلنا هنا في الصوره زمايل

نوفي اللي ميثاقنا عليه قايل

من اصغر طفله بجدايل

علي زرع ودرس يتتمايل

يازمان صورنا صورنا يازمان

حنقرب من بعض كمان

واللي حيبعد م الميدان عمره ماحيبان في الصوره

وبعيد عن العين لكن في الصوره اوضح ناس

ناس تحت حر الجبال والقلب كله حماس

بتفجر الرمل انهار من دهب اسود

وناس بتكسيه بخضره وكل لون له ناس

واساتذه وعلما ومعامل

ودكاتره من الشعب العامل

ورجال سكر علي مكاتبها تخدم بالروح لما تعامل

والصوره مافهاش الخامل

والهامل واجبه ونعسان

مافهاش الا الثوري الشامل

المصري العربي الانسان

صور يا زمان صور يازمان صور يازمان

حلوين قوي كده وحياة ربي

ياحبايبي باقولها من قلبي

ثورتنا صورتنا ومحلاها

في اطار التنظيم الشعبي

ناصر

واحنا كلنا حواليه

ناصر ناصر ناصر

وعيون الدنيا عليه

ناصر ناصر ناصر

والنصر بيسعي اليه

والشعب دليله والهامه

قربوا من فكره واحلامه

ياللي عليكم كل كلامه

في الصوره طالبكم قدامه

قيادات شعبيه قلتم ايه

قلنا يازعيمنا قلوبنا اهي

ايامنا اهي ليالينا اهي

في يوم الدم وهبنا الدم

حنبخل بالليالي ليه

والصوره اكتملت بالرواد

مع ناصر وايديهم بايديه

الشعب ووطنه

وزمنه وعمله

وامله وبطله

ابو الشجعان

صور يا صور يازمان صور يازمان
[/size]

موضوع: رد: ... صوره ... الجمعة يوليو 24, 2009 4:23 pm

مشكووووور يا مورجن

موضوع: رد: ... صوره ... الأحد يوليو 26, 2009 4:33 pm

موضوع: رد: ... صوره ... الإثنين يوليو 27, 2009 2:00 pm